Երևանի Վազգեն Սարգսյանի անվան «Հանրապետական» ստադիոնում անցկացվեց ՈՒԵՖԱ –ի Ազգերի լիգայի երրորդ խմբի  չորրորդ ենթախմբի առաջին խաղը:

Հայաստանի ֆուտբոլի  հավաքականը հյուրընկալեց Լատվիայի ընտրանուն: Միանգամից ասենք, որ տանտերերը համոզիչ հաղթանակ տարան խոշոր ՝ 4 : 1 հաշվով:

Խաղի  վեցերորդ  րոպեին գոլի հեղինակ դարձավ   Լեհաստանի «Պոգոնի» կիսապաշտպան Վահան Բիչախչյանը։ Երեք րոպե անց հաշիվը հավասարվեց / ինքնագոլի հեղինակ դարձավ Գեորգի Հարությունյանը /:

35-րդ րոպեին  սեփական դարպասը գրավելու հերթը հասավ  Լատվիայի հավաքականի  պաշտպան Կասպարս Դուբրային։

48-րդ րոպեին Հայաստանի հավաքականի օգտին երրորդ գոլը խփեց Սաուդյան Արաբիայի «Ալ Ֆատեհ» թիմի կիսապաշտպան Լուկաս Սելարայանը։

86-րդ րոպեին փոխարինման մտած Մյոնխենգլադբախի «Բորուսիայի» հարձակվող Հրանտ-Լեոն Ռանոսի փոխանցած գնդակը մրցակցի դարպասը մխրճեց ՌԴ «Կրասնոդարի» կիսապաշտպան Էդուարդ Սպերցյանը։

Հայաստանի հավաքականը երեք միավորով գլխավորեց  չորրորդ խմբի մրցաշարային աղյուսակը:

Մեր ընտրանին վաղը ՝  սեպտեմբերի 10-ին Սկոպյեում ուժերը կչափի Հյուսիսային Մակեդոնիայի հավաքականի հետ:

Հետխաղյա մամուլի ասուլիսում ՀՀ հավաքականի գլխավոր մարզիչ Ալեքսանդր Պետրակովն հետևյալն  ասաց. « Կեցցեն տղաները, նրանցից  գոհ եմ . . . »: Նա նաև  հատուկ խնդրանքով ընդգծեց, որ  չարժե մեր ֆուտբոլիստներին  չափից շատ գովաբանել և պետք է մոռանալ այսօրվա հաղթանակը։