« Դաքար – 2026 » պատանեկան օլիմպիական ամառային չորրորդ   խաղերը  տեղի կունենա  Սենեգալում՝ հոկտեմբերի 31-ից  նոյեմբերի 13-ը:

Ստուգատեսի կազմկոմիտեի գլխավոր համակարգող Իբրահիմա Ուեյդը և նրա թիմը,  օգտվելով առիթից , խաղերի նախապատրաստական աշխատանքները ճիշտ կազմակերպելու համար գտնվել են Փարիզում:

Այցի առթիվ  Իբրահիմա  Ուեյդը ասել  է, որ    բազմաթիվ հանդիպումների են մասնակցել « Փարիզ – 2024»  կազմկոմիտեի անդամների հետ և շատ բան են սովորել:

Դաքարի պարագայում առաջնահերթություններ  կլինեն  մարզահամալիրների  վերանորոգումը և  2025թ. թեստային աշխատանքների անցկացումը:  

Դաքարցիները նպատակ ունեն շատ մարդկանց  ներգրավել գործընթացներում:  

Ուեյդը նաև նշել է,  որ արդեն օլիմպիական արժեքների մասին  են դասավանդում երկրի դպրոցներում:  Աշխատանքներ են տարվում շրջակա միջավայրի կայունությունն ապահովելու, տնտեսական օգուտներ ստանալու համար, քանզի  պատվաբեր է  ամառային առաջին օլիմպիական խաղերի  կայացումը  Աֆրիկայում։

Միջոցառման  կարգախոսն է «Աֆրիկան ողջունում է, իսկ Դաքարը՝  տոնում »:  

« Սև աշխարհամասը »  ցանկանում է  աշխարհին ցույց տալ, որ մարզական այդ միջոցառումը  պարզապես խաղեր չէ  Դաքարի համար, այլ՝  խաղեր ամբողջ աշխարհի համար: