Ինչպես հայտնի է,  տղամարդկանց բասկետբոլի աշխարհի առաջնության խմբային մրցաշարի մեկնարկում, Հայաստանի հավաքականը  Վիեննայում  91 : 106 հաշվով պարտվել է Ավստրիայի ընտրանուն:

Հաջորդ խաղում  մեր թիմը սեփական հարկի տակ հաղթել է  ալբանացիներին՝ 84 : 79:

Արժե հիշել, որ որակավորման փուլին մասնակցում են երեք ենթախմբի բաժանված  10 երկրների հավաքականներ: Դրանցում առաջինը ճանաչված համակազմերը և լավագույն արդյունքով երկրորդը ճանաչված թիմը կանցնեն հաջորդ փուլ:

Հաջողության հասնելու  բուռն ցանկություն ունի նաև մեր ընտրանին, որը պարապուրդի չի մատնվել: Թեև ավստրիացիների հետ Երևանում կայանալիք պատասխան մրցամարտը տեղի կունենա հինգ ամիս հետո՝  նոյեմբերի 24 –ին, բայց մարզաձևի համապետական  ֆեդերացիայի նախաձեռնությամբ հավաքականի գլխավոր մարզիչ Ռեքս Քալամյանը այս օրերին  ուսումնամարզական հերթական հավաքն է անցկացնում ԱՄՆ –ում:

Պարապմունքներում ընդգրկված են 16  մարզիկներ, որոնք  Լոս Անջելեսում  ընկերական հանդիպումներ  կանցկացնեն Գվատեմալայի  / հունիսի 21 –ին /  և  Իռլանդիայի / հունիսի 23 –ին / հավաքականների հետ: