ՍԿՍՎԵՑ ԵՕԿ – Ի ՀԱՄԱԺՈՂՈՎԸ
Բուխարեստում այսօր սկսվեց Եվրոպայի օլիմպիական կոմիտեի (ԵՕԿ) 53-րդ գլխավոր ասամբլեան:
Միջոցառմանը կմասնակցեն ՄՕԿ –ի նախագահ Թոմաս Բախը, ԵՕԿ-ի նախագահ Սպիրոս Կապրալոսը, մարզաձևերի եվրոպական ֆեդերացիաների ղեկավարներ և այլն:
ԵՕԿ –ի նախագահ Կապրալոսը ասել է` ուրախ են, որ հնարավորություն է ստեղծվել համախմբելու ԵՕԿ –ի անդամներին, քանի որ շուտով մոտենում են Փարիզի օլիմպիական խաղերը:
Ասամբլեայում կքննարկվեն գալիք ամառային և ձմեռային օլիմպիական խաղերի նախապատրաստական աշխատանքները, որոնք անցկացվելու են Եվրոպայում: ԵՕԿ –ի ղեկավարները սպորտի միջոցով խաղաղության և համերաշխության ուղերձ կհղեն աշխարհին:
Կհայտարարվեն կազմակերպության մրցանակներին արժանացած մարզիկ – մարզուհիների անունները, ովքեր աչքի են ընկել սպորտում և օլիմպիական արժեքների տարածման գործում:
Կքննարկվեն 2025թ. նշանակված ձմեռային և ամառային Եվրոպական պատանեկան / 14-18 տարեկան / օլիմպիական փառատոների և աշխարհամասի փոքր պետությունների խաղերին վերաբերող հարցեր:
