Փարիզում ամռանը անցկացվելիք 33 –րդ օլիմպիական խաղերի ըմբշամարտի մրցումներին Հայաստանից կմասնակցեն դեռևս նախորդ մրցաշրջանում ուղեգիր նվաճած  հունահռոմեականներ, 67 կգ քաշային Սլավիկ Գալստյանը, 77 կգ՝ Մալխաս Ամոյանը և  97 կգ՝ Արթուր Ալեքսանյանը,  ազատ ոճայիններ, 57 կգ քաշային Արսեն Հարությունյանը և  65 կգ՝ Վազգեն Թևանյանը: Սա նշանակում է, որ Ստամբուլում  օրերս անցկացված մարզաձևի համաշխարհային վարկանիշային վերջին՝ թվով վեցերորդ մրցաշարում մեր երկրի ներկայացուցիչներից ոչ մեկին չհաջողվեց մտնել լավագույն եռյակ և արժանանալ արտոնագրի: