Միջազգային օլիմպիական կոմիտեի (ՄՕԿ) համակարգող հանձնաժողովը Ավստրալիայում  երկրորդ հանդիպումն է անցկացրել   << Բրիսբեն – 2032 >>  օլիմպիական խաղերի կազմկոմիտեի հետ:

Նշված հանձնաժողովի նախագահ Քիրսթի Քովենտրին ասել է, որ  վստահություն է ներշնչել հատկապես նախապատրաստության  ճանապարհային քարտեզը:

Շարունակվում է համագործակցությունը  ՄՕԿ-ի հետ: Հավատարիմ մնալով սահմանված   բոլոր չափանիշներին, կատարվել են վերջին ամիսների  համար նշանակված պարտավորությունները և  հստակ ռազմավարության  ծրագրեր են մշակվել:

Քննարկումների ընթացքում ընդգծվել են բոլոր ձեռքբերումները:

Կազմակերպիչները ենթադրում են, որ օլիմպիական խաղերը դրական ազդեցություն կունենան Ավստրալիայում, ներառյալ՝ կանխատեսվող տնտեսական և սոցիալական օգուտը՝  17 միլիարդ դոլարի չափով:

Աշխատանքները շարունակվում են և այժմ անցում  կկատարվի ծրագրերի  իրականացման հաջորդ փուլին՝ նախանշելով 2024թ. հիմնական առաջնահերթությունները։

<< Բրիսբեն – 2032 >>   ամառային  օլիմպիական խաղերը նախատեսված է  հուլիսի 23-ից՝  օգոստոսի 8-ը:

Ի դեպ, Բրիսբենը կդառնա Ավստրալիայի երրորդ քաղաքը, որը կընդունի  օլիմպիական խաղերը։ Նախկինում ամառային համաշխարհային մարզահանդեսներ են անցկացվել Մելբուռնում  (1956թ.) և Սիդնեյում  (2000թ. ):