Սերբիայի Զրենյանին քաղաքում ավարտին է մոտենում Օլիմպիական խաղերի վարկանիշային ըմբշամարտի մրցաշարը:

Ապրիլի 17-ին մրցագորգ էին դուրս եկել 97 կգ քաշային, ազատ ոճային Էդգար Ենոքյանըև և 130 կգ քաշային, հունահռոմեական ոճի ըմբիշ Էդգար Խաչատրյանը:

Վերջիններս պարտվել են իրենց մեկնարկային գոտեմարտերում և լքել պայքարը:

Հայ ըմբիշները Հայաստան են վերադառնում Օլիմպիական խաղերի 1 ուղեգրով, որը նվաճել էր 57 կգ քաշային, ազատ ոճային Գառնիկ Մնացականյանը, իսկ ազատ ոճային Դավիթ Սաֆարյանը և հունահռոմեական ոճի ըմբիշ Կարապետ Չալյանը բրոնզե մեդալակիր էին դարձել: 

Հիշեցնենք, որ սա առաջին վարկանիշային մրցաշարն էր, որտեղ Օլիմպիական ուղեգրեր նվաճում էին միայն եզրափակչի մասնակիցները:

ՀԱՕԿ լրատվության բաժին