Այսօր, փետրվարի 8-ին,  պաշտոնապես ներկայացվել են <<  Փարիզ – 2024 >> օլիմպիական և պարալիմպիկ խաղերի մեդալները։ Նրանք  բացառիկ հայեցակարգ ունեն, պատկերված  է  Փարիզի խորհրդանիշ   Էյֆելյան աշտարակը։ Այդպիսով  յուրաքանչյուր մրցանակակիր  կստանա  աշտարակի երկաթե  օրիգինալ մի  կտոր, որը տեղադրված է մեդալի հիմքում:

- Այսպիսով բացվեց  < < Փարիզ - 2024 >> -ի  գաղտնիքներից մեկի վարագույրը, -  ասել է  կազմկոմիտեի  նախագահ, օլիմպիական եռակի  չեմպիոն Թոնի   Էստանգուն:

Տոնական միջոցառմանը ներկա են եղել պաշտոնյաներ, օլիմպիական և պարալիմպիկ խաղերի մեդալակիրներ, ինչպես նաև փարիզյան խաղերին մասնակցելու իրավունք ստացած  մարզիկ –մարզուհիներ:

Մեդալների ձևավորմանը մասնակցել են  << Փարիզ - 2024 >>   մարզիկների հանձնաժողովի անդամները ՝ օլիմպիական խաղերի հնգակի չեմպիոն  Մարտին Ֆուրկադի գլխավորությամբ և  LVMH ոսկերչական տան ներկայացուցիչները:

Փարիզի դրամահատարանը արտադրել է 5084 մեդալ՝  2600 օլիմպիական խաղերի և 2400 –ը  պարալիմպիկի համար։ Սա, հավանաբար  ավելին է, քան անհրաժեշտ է: Դրանցից մի քանիսը կպահվեն թանգարաններում:   Նաև նարավոր է խաղերից հետո մեդալների վերաբաշխում տեղի ունենա:

Ոսկե մեդալները  մաքուր ոսկուց  չեն և կշռում են 529 գրամ : Դրանք պատրաստված են արծաթից  ու  պատված են 6 գրամ ոսկով։

Արծաթը կշռում է 525 գրամ, իսկ բրոնզը՝   455 գրամ և իրենից ներկայացնում է պղնձի, անագի և ցինկի համաձուլվածք։

Մեդալների տրամագիծը  85 միլիմետր է, հաստությունը՝ 9,2 միլիմետր։ Դրանք կհանձնվեն  Chaumet-ի  մուգ կապույտ տուփով և Էյֆելյան աշտարակի սպասարկման ընկերության վկայականով, որի երկաթե մասերը վերցված են հուշարձանից։

Կազմակերպիչները չեն նշել մեդալների դրամական արժեքը։