Ըմբշամարտի միջազգային ֆեդերացիայի օրացուցային ծրագրով զուգահեռաբար  Երևանում անցկացվեց Ստեփան Սարգսյանի անվան միջազգային մրցաշարը,  իսկ Տիրանայում ՝ Եվրոպայի պատանեկան առաջնությունը: Երկու դեպքում էլ ասպարեզներում պայքարեցին ազատ ըմբշամարտի ներկայացուցիչները:

Տիրանայի ստուգատեսը վկայեց, որ մեզանում աճում է հուսալի հերթափոխ: Մեր պատանիները թիմային պայքարում , ութ մեդալով,  գրավեցին առաջին տեղը:

Ոսկե մեդալակիրներ  դարձան  Սաշա Պետրոսյանը (51 կգ) և  Նարեկ Նիկողոսյանը (71 կգ)։ Արծաթե պարգևի արժանացան Արման Հարությունյանը (48 կգ), Սամվել Գևորգյանը (55 կգ), Ռազմիկ Եփրեմյանը (80 կգ) և  Հենրիկ Հայկյանը (110 կգ)։ << Բրոնզով >> բավարարվեցին   Տիգրան Բունիաթյանը (60 կգ) և  Վլադիմիր Ազարյանը (65կգ):