ԿՄԱՍՆԱԿՑԵՆ ԵՎՐՈՊԱՅԻ ԱՌԱՋՆՈՒԹՅԱՆԸ
Մարտի երկուսին Սերբիայում կմեկնարկի Եվրոպայի շախմատի անհատական առաջնությունը: Առաջատարի համարում ունեցող մեր հինգ գրոսմայստերներ նպատակ ունեն բարձր պահել իմաստուն խաղի հայկական դպրոցի պատիվը:
Հուսալի մարզավիճակով մրցավայր մեկնելու ցանկությամբ են նախապատրաստվում Գաբրիել Սարգսյանը, Հայկ Մարտիրոսյանը, Ռոբերտ Հովհաննիսյանը, Մանուել Պետրոսյանը և Շանթ Սարգսյանը: Նրանք երեկվանից << խարիսխ են ձգել >> Արզնի առողջարանում: Ուսումնամարզական հավաքը կավարտվի փետրվարի 26 –ին:
Արժե նշել , որ նախկին Հարավսլավիայի մեկ այլ երկրում ՝ Սերբիայում, մարտի 18 –ից իրենց հարաբերությունները կորոշեն Եվրոպայի կանանց անհատական առաջնության մասնակիցները: Նրանց թվում կլինեն մեր Էլինա Դանիելյանը, Լիլիթ Մկրտչյանը, Աննա Սարգսյանը, Մարիամ Մկրտչյանը և Սուսաննա Գաբոյանը:
