Միջազգային օլիմպիական կոմիտեի (ՄՕԿ) << Միլան-Կորտինա 2026 >>  ձմեռային օլիմպիական և պարալիմպիկ խաղերը  համակարգող հանձնաժողովը առաջին աշխատանքային այցն է կատարել Միլան:

Կազմկոմիտեն ներկայացրել է նախապատրաստական գործընթացը:

ՄՕԿ-ի համակարգող հանձնաժողովը  առաջիկայի համար  սահմանել է  մի քանի առաջնահերթություններ.  ներքին գործընկերության ծրագրի ընդլայնում, բյուջեի պարզեցում, անցկացման վայրի նախապատրաստություն, կազմկոմիտեի թիմի ուժեղացում: 

Համատեղ առաջին հանդիպման ժամանակ տեղի են ունեցել մի  շարք կառուցողական քննարկումներ:  

Եռօրյա այցի շրջանակում հանձնաժողովի անդամները եղել են  համապատասխան ենթակառույցներում,  մարզավայրերում, ծանոթացել են  առկա պայմանններին:

Շրջայց  են  կատարել  օլիմպիական ավանում , հայտնի <<  Սան Սիրո >>  մարզադաշտում, որտեղ տեղի կունենա ձմեռային խաղերի բացման արարողությունը, հեռարձակման միջազգային  և մամուլի կենտրոնում, կազմկոմիտեի շտաբ- բնակարանում  և այլն:  

Կազմակերպիչները օգտվում են ՄՕԿ –ի <<  2020+5 օլիմպիական օրակարգի >> ռազմավարական  ծրագրերից:  

2026թ. ձմեռային օլիմպիական խաղերը տեղի կունենան փետրվարի 6- 22-ը, իսկ  պարալիմպիկը ՝  մարտի 6- 15-ը։