Ժամանակակից հնգամարտի միջազգային միության (UIPM)  կոնգրեսը որոշել է ձիավարություն  մրցաձևը  փոխարինել խոչընդոտամրցուղով  / արգելապատնեշ /: Այդ նպատակով  մանրակրկիտ աշխատանք են կատարել  ՄՕԿ-ի փորձագետները, որոնք  վերլուծել են ներկայացրած առաջարկները:

Կոնգրեսի 83 անդամներից 69-ը կողմ է քվեարկել փոխարինմանը, 11-ը՝ դեմ և երեքը՝ ձեռնպահ։ 

Նոր մրցաձևը  սպորտային առումով ազնիվ  է, ցուցադրական առումով՝ դիտարժան։

Խոչընդոտամրցուղին կլինի 100 մետրից մի փոքր պակաս տարածություն ՝  աթլետիկայի տարբեր կառույցներով, մարմնամարզության և ուժային վարժություններով:

Թեստային առաջին փորձակումը տեղի կունենա  եկող հունիսին ՝ Անկարայում, ապա ՝ Ֆիլիպիններում: Իսկ վերջնական որոշումը ՄՕԿ –ը  կկայացնի  2023թ. ամռանը:

Հնարավոր  է, որ խոչընդոտամրցումն  ընդգրկվի 2028թ. Լոս Անջելեսում կայանալիք օլիմպիական խաղերի հնգամարտի ծրագրում:

Մարզաձևը  օլիմպիական խաղերի ծրագրում  հայտնվել է 1912թ.՝  ժամանակաից օլիմպիական խաղերի և հնգամարտի հիմնադիր Պիեռ  դե Կուբերտենի նախաձեռնությամբ։ 

Ժամանակակից հնգամարտում  ներառված   է  նաև սուսերամարտը, հրաձգությունը,   լողը և կրոսավազքը: 

Միջազգային օլիմպիական կոմիտեն (ՄՕԿ),  << Տոկիո - 2020  -  ի >>  խաղերում, գերմանացի մարզուհի Անիկա Շլոեի՝ ձիու նկատմամբ ունեցած դաժան վերաբերմունքի  պատճառով   պահանջել է, որ մարզաձևի   միջազգային միությունը ծրագրից հանի  ձիավարությունը, որը  որպես մրցաձև  այլևս կենսունակ չէ: