Ծանրամարտի միջազգային ֆեդերացիայի  (IWF)  գործկոմը Հռոմում  խորհրդակցություն է անցկացրել : Ներկաները վերահաստատել են  իրենց  հանձնառությունը դոպինգի դեմ պայքարում, կառավարման և  սահմանադրության բարելավման գործընթացում: 

Վերանայվել են կատարված աշխատանքները և ստանձնած պարտավորությունները:

IWF- ի  հակադոպինգային ծրագրի ուժեղացումը նիստի  օրակարգի առանցքային կետն է եղել:

Աշխատանքների հետագա բարելավման առաջարկները ներառում են հետաքննական լիազորությունների ընդլայնում, մասնագիտական  կրթության բարելավում, ազգային ֆեդերացիաների համար թեստավորման նվազագույն պահանջների ներդրում, հետախուզության և հետաքննության ռեսուրսների տրամադրում: 

<< Մաքուր մարզիկների >>   պաշտպանությունն է  առաջնորդող սկզբունքը՝  << Փարիզ – 2024 >>  օլիմպիական խաղերի  որակավորման համակարգը թարմացնելու առաջարկությունում:

Գործկոմը  համաձայնել է  ամրապնդել որակավորման համակարգը:

IWF –ի  մարզիկների հանձնաժողովում հաստատվելուց հետո փաստաթուղթը կուղարկվի ՄՕԿ՝ վերջնական գրանցման համար: 

Նախագահ Մուհամմեդ Ջալուդն ասել  է,  որ   հանդիպումը շատ արդյունավետ է եղել,  իսկ հակադոպինգային ծրագիրը ճանաչվել  է լավագույններից  մեկը: Բայց իրենք  ցանկություն ունեն ավելի հեռուն գնալ  ու գտնել բարելավման նոր ուղիներ՝ մաքուր սպորտը խթանելու համար: 

Գործկոմի  նիստում ներկայացվել են  նաև  IWF հանձնաժողովների հաշվետվությունները, որոնք  կհաստատվեն  դեկտեմբերին կայանալիք աշխարհի առաջնության ժամանակ: Դա առաջին ընտրական մրցաշարը  կլինի   <<  Փարիզ  - 2024 >> -ի համար: