<< ՓԱՐԻԶ - 2024 – Ի >> ԳԵՂԱՐՎԵՍՏԱԿԱՆ ՂԵԿԱՎԱՐԸ
Փարիզում 2024թ. կայանալիք օլիմպիական խաղերի բացման և փակման արարողությունների գեղարվեստական ղեկավար է նշանակվել Թոմաս Ջոլին:
Նա հայտնի ռեժիսոր է ֆրանսիական թատրոնի և օպերայի բնագավառում, արժանացել է բազմաթիվ հեղինակավոր մրցանակների:
Միջոցառման կազմկոմիտեի նախագահ Թոնի Էստանգեն այս առթիվ ասել է, որ Թոմաս Ջոլիի նշանակումը գեղարվեստական ղեկավարի պաշտոնում հավակնոտ ընտրություն է, որը համահունչ է իրենց տեսլականին: Տպավորիչ կենսագրություն ունի, երիտասարդ ստեղծագործող է և ֆրանսիական արվեստի առաջատարներից է: Նրա արտասովոր շոուները ապացույց են այն բանի, որ նա գիտի ինչ չափանիշ ընտրել և այն հասցնել ցանկալի մակարդակի:
Պատասխանատու գործում հաստատվելուց հետո, Ջոլին նշել է, որ մեծ պատիվ և հպարտություն է << Փարիզ -2024 -ի >> արարողության գեղարվեստական ղեկավարի դերը ստանձնելը: Նա հույս է հայտնել, որ իրենք կարող են աշխարհին ներկայացնել եզակի տոնակատարություն:
Առաջիկա ամիսներին Ջոլին կընտրի բազմամասնագիտական գեղարվեստական թիմ, որը պատրաստ կլինի կյանքի կոչել նորարարական գաղափարները:
