ՍՊՈՐՏԻ ԹԱԳՈՒՀՈՒ ՍՏՈՒԳԱՏԵՍՈՒՄ
11:27 - 12 Հուլ, 2022
ԱՄՆ -ի Օրեգոն նահանգի Յուրջին քաղաքում հուլիսի 15 -24 –ը տեղի կունենա աթլետիկայի աշխարհի առաջնությունը: Հայտավորված են 192 երկրների 1900 մարզիկ – մարզուհիներ:
Հայաստանից հանդես կգա մեր առաջատար վազորդ, գյումրեցի Երվանդ Մկրտչյանը: Նա պայքարի կելնի 1500 մետր մրցատարածությունում:
ՀՀ բազմակի չեմպիոն և ռեկորդակիր Երվանդ Մկրտչյանը նաև Բալկանյան խաղերի և Եվրոպայի փոքր երկրների առաջնության հաղթող է:
Մեր աթլետը մարզաձևի Հայաստանի ֆեդերացիայի նախագահ Ռոբերտ Էմմիյանի հետ արդեն մրցավայրում է: Նրանց կմիանա նաև մոտ անցյալի անվանի արագավազորդ և ռեկորդակիր, երևանցի Վահագն Ջավախյանը:
Այլ նորություններ
