ՊԱՇՏՈՆԱԿԱՆ ՀԱՆԴԻՊՈՒՄ
10:57 - 26 Հուն, 2022
ՄՕԿ-ի նախագահ Թոմաս Բախը հունվարի 25-ին Պեկինում հանդիպել է Չինաստանի նախագահ Սի Ցզինպինի հետ։ Նրանք քննարկել են ձմեռային օլիմպիական խաղերի ընթացքում COVID-19-ի տարածումը կանխարգելող միջոցառումները։
Թոմաս Բախը շնորհակալություն է հայտնել Սի Ցզինպինին՝ դժվարին մեր ժամանակներում համաշխարհային մարզահանդեսը կազմակերպելու համար, և որ Չինաստանը, հիրավի, ձմեռային մարզաձևերի երկիր է:
Կողմերը միջազգային հանրությանը վստահեցրել են, որ ջանք չեն խնայի անվտանգ խաղեր անցկացնելու համար:
Նշենք, որ Չինաստանի մայրաքաղաքի օլիմպիական այգում, ՄՕԿ-ի նախկին նախագահներ Խուան Անտոնիո Սամարանչի և Ժակ Ռոգեի կիսանդրիների կողքին, տեղադրվել է նաև Թոմաս Բախինը:
Այլ նորություններ
