Բռնցքամարտի միջազգային ֆեդերացիան /  AIBA /  երկարաձգել է  պայմանագիրը  թեստավորման միջազգային գործակալության  / ITA /  հետ և մայրցամաքային ֆորումների շրջանակներում կանցկացնի հակադոպինգային կրթության լայնածավալ ծրագիր

Փաստաթուղթը ստորագրել են  AIBA- ի նախագահ Ումար Կրեմլյովը և ITA- ի գործադիր տնօրեն Բենջամին Կոեն։

Գործընկերությունը երկարաժամկետ կլինի: Նպատակն է բռնցքամարտը ամբողջովին դարձնել դոպինգից ազատ  և մաքուր մարզաձև: 

Պայմանավորվածություն է ձեռք բերվել  առնվազն չորս սեմինար անցկացնել ազգային ֆեդերացիաների ներկայացուցիչների,  մարզիկների և մարզիչների համար: