Հայաստանի ձյուդոիստներն այս օրերին Ծաղկաձորում են։ Հավաքականի գլխավոր մարզիչ, գյումրեցի Հովհաննես Դավթյանի,  նրա օգնականներ Գոռ Հարությունյանի և Դավիթ Խաչատրյանի  ղեկավարությամբ ուսումնամարզական հավաքում ընդգրկված  տարիքային բոլոր խմբերի / պատանի , երիտասարդ, մեծահասակ /  ներկայացուցիչները պարապում են նախապես մշակված ծրագրերով։

Զրույցի ժամանակ Հ․  Դավթյանն ասաց, որ  տղաներն իրենց բնակավայրերում, անձնական մարզիչների ղեկավարությամբ, նպատակային աշխատանքներ են կատարել ու  պահպանել են միջին աստիճանի մարզավիճակ։ Սա ուրախացնում է ․ ․ ․

Ծաղկաձորում մարզիչներն առավել ուշադիր են հնարքների բազմազանության / նաև  ցավեցնող և խեղդող / և   որակական հատկանիշների բարելավման հարցերին։ Զգալի տեղ է հատկացվում նաև մարզիկների ընդհանուր և հատուկ ֆիզպատրաստականության խնդիրներին։ Անհատական առաջադրանքով են աշխատում գլխավոր և երիտասարդական հավաքականների  առաջատարները։ Նրանց գործողություններին  ուշադիր հետևում, նրանց  օրինակով վարակվում են պատանիները։

Ոսումնամարզական հավաքը կավարտվի օգոստոսի 6-ին: