Միջազգային օլիմպիական կոմիտեի համակարգող հանձնաժողովը մտահոգ է 2022թ․  ձմեռային օլիմպիական խաղերի թեստ - ստուգումների առթիվ։  2020 – 2021թթ․  մրցաշրջաններում Պեկինում   նախատեսված չմշկասահքի, գեղասահքի, դահուկացատկի,  լեռնադահուկային սպորտի  մրցաշարերը վտանգի տակ են ՝ համավարակի պատճառով: ՄՕԿ –ի համակարգող հանձնաժողովի նախագահ Խուան Անտոնիո Սամարանչ կրտսերն ասել է, որ  միջազգային սահմանափակումները, քաղաքացիների տեղաշարժը, կարանտինային միջոցառումները և այլ պայմաններ կարող են խոչընդոտել համապատասխան  անձերի այցը Չինաստան։

<< Պեկին – 2022 >>  կազմկոմիտեն  այս առթիվ   համագործակցում է  ՄՕԿ-ի և միջազգային ֆեդերացիաների հետ։

Հիշեցնենք, որ ՉԺՀ կառավարությունը կորոնավիրուսի երկրորդ ալիքի մտավախությամբ  արգելել է մարզական միջոցառումների կազմակերպումը։