ԳՆԱՀԱՏՈՒՄ Է ՄՕԿ – Ը
ՄՕԿ –ի համակարգող հանձնաժողովը և մարզաձևերի միջազգային ֆեդերացիաների ներկայացուցիչները տեսակապի միջոցով զրուցել են << Պեկին – 2022 > կազմկոմիտեի անդամների հետ։
Նախապատրաստական աշխատանքները մոտենում են ավարտին։ Օլիմպիական ավանը, սահնակային սպորտի, բոբսլեյի և լեռնադահուկային սպորտի ազգային կենտրոնը պատրաստ կլինի տարեվերջին։ Ընդհանուր առմամբ բարձր գնահատական է տրվել ձմեռային 24 –րդ օլիմպիական և պարալիմպիկ խաղերի կազմակերպիչների աշխատանքին։
Վերջին ամիսներին Չինաստանը հայտնվել էր բարդ իրավիճակում։ Այժմ զգալի բարելավում կա երկրում և կազմկոմիտեն վերադարձել է բնականոն աշխատանքի։
Ասվել է , որ կորոնավիրուսի խնդիրների լուծման համար ավելի կամրապնդվեն կապերն ու համագործակցությունը ՄՕԿ – ի շահառուների հետ: Շարունակական և մանրակրկիտ դիտարկում կանցկացվի, վերլուծության կենթարկվեն ռազմավարական ծրագրերը, ընդհանուր վիճակի կայունացման և խաղերի ընթացքում հնարավոր ռիսկերի արագ արձագանքման համար:
Ձմեռային օլիմպիական խաղերը Պեկինում նախատեսված են 2022թ․ փետրվարի 4 – 20 –ը։
