Բասկետբոլի Հայաստանի տղամարդկանց ազգային հավաքականի գլխավոր մարզիչ է նշանակվել խորվաթ փորձառու մասնագետ Նիկշա Բավցեւիչը: Այս մասին հայտնում է Հայաստանի բասկետբոլի ֆեդերացիան:

Նիկշա Բավցեւիչը աշխատել է մի շարք պետությունների ակումբներում՝ Բելգիայում, Ռուսատանում, Խորվաթիայում, գլխավորել է Խորվաթիայի մինչև 20 տարեկանների հավաքականը, որը հաղթել է Եվրոպայի առաջնության «Բ» դիվիզիոնում և նվաճել «Ա» դիվիզիոնում հանդես գալու իրավունք:

Հայաստանի ազգային հավաքականը կմասնակցի 2019 թվականի աշխարհի առաջնության նախընտրական փուլին: Օգոստոսին կայանալիք մրցաշարում մեր ընտրանու մրցակիցներն են՝ Բոսնիան, Սլովակիան և Շվեդիան:

Լուսանկարը՝ Հայաստանի բասկետբոլի ֆեդերացիայի