Ալբանիայի մայրաքաղաք Տիրանայում ավարտվեց   հունահռոմեական ըմբշամարտի ոչ օլիմպիական քաշային կարգերի աշխարհի առաջնությունը: Հայաստանի ներկայացուցիչ Կարեն Ասլանյանը / 63 կգ / երրորդ տեղի համար պայքարում 10 : 0 հաշվով հաղթեց Բուլղարիայի  ներկայացուցիչ Աբու Մուսլիմ Ամաևին և գրավեց երրորդ տեղը: Արժե նշել, որ երևանցի մարզիկը  ընդամենը 30 վայրկյանում ծնկի բերեց մրցակցին և նվաճեց բրոնզե մեդալ:

Կարենը մարզվում է վաստակավոր մարզիչ Սամվել Գևորգյանի ղեկավարությամբ:

Հայաստանի հավաքականը թիմային պայքարում ճանաչվեց երրորդը:

Տիրանայի մրցագորգերը տրամադրվեցին ազատ ոճայիններին:

Մեր երկիրը ներկայացնում են 61 կգ քաշային Մեժլում Մեժլումյանը, 70 կգ՝ Արման Անդրեասյանը, 79 կգ՝ Արման Ավագյանը և 92 կգ՝  Իգոր Սարգսյանը։