Տիրանայում ավարտվեց նաև ազատ ըմբշամարտի  աշխարհի   մինչև 23 տարեկանների առաջնությունը: Միանգամից ասենք, որ մեր հավաքականը ձեռնունայն կվերադառնա հայրենիք: Այդուհանդերձ, մարզապալատի մրցագորգերը պարապուրդի չեն մատնվել:

Այսօր աշխարհի չեմպիոնի կոչման համար իրենց պայքարը կսկսեն ոչ օլիմպիական քաշային կարգերի ըմբիշները:Նրանց շարքում տեղ չեն ունենա այս ամռանը Փարիզում անցկացված օլիմպիական խաղերի մասնակիցները:  

Իրենց հարաբերությունները կորոշեն հունահռոմեական և ազատ ոճերի չորսական ըմբիշներ:

Մեր երկիրը ներկայացնում են. ազատ ոճայիններ, 61 կգ քաշային Մեժլում Մեժլումյանը, 70 կգ՝ Արման Անդրեասյանը, 79 կգ՝ Արման Ավագյանը և 92 կգ՝  Իգոր Սարգսյանը։

Հունահռոմեական ոճ.  55 կգ քաշային Մանվել Խաչատրյանը, 63 կգ՝  Կարեն Ասլանյանը, 72 կգ՝   Հայկ Մելիքյանը և 82 կգ՝  Կարեն Խաչատրյանը։

Նշենք, որ սա ոչ օլիմպիական քաշային կարգերի մարզիկների համար աշխարհի թվով երկրորդ առաջնությունն է: Առաջինը տեղի է ունեցել 2016թ. ՝ Բուդապեշտում: