Ալբանիայի մայրաքաղաք Տիրանայում ավարտվել է հունահռոմեական ոճի ըմբշամարտի ավագ տարիքի երիտասարդների / մինչև  23 տարեկաններ /  աշխարհի առաջնությունը: Հիշեցնենք, որ մեր պատվիրակներից չեմպիոնի կոչմանն է  արժանացել Հայկ Խլոյանը / 97 կգ /, իսկ նրա թիմակից Շանթ Խաչատրյանը / 72 կգ / դարձել է արծաթե մեդալակիր:

Արմեն Բաբալարյանի գլխավորած ՀՀ  թիմը,  Իրանի և Վրաստանի ընտրանիներից հետո, ճանաչվել է երրորդը:

Առաջնության մրցագորգերի վրա այսօրվանից իրենց պայքարն են սկսել ազատ ըմբշամարտի մասնակիցները: ՀՀ հավաքականի գլխավոր մարզիչ Հաբեթնակ Կուրղինյանը ասպարեզ կհանի տասը մարզիկի: