<< Տոկիո -2020 >>  կազմկոմիտեն ավարտել է օլիմպիական խաղերի համար գնված տոմսերի վերադարձի հայտերի ընդունումը։ Հրաժարվողների թիվը  մեծ չի եղել: Ընդհանուր առմամբ վաճառվել է 4, 48 միլիոն տոմս: Համավարակի պատճառով  վաճառքի գործընթացը դադարեցվել է : Բոլոր տոմսերը ուժի մեջ են, բայց կորոնավիրուսի հետևանքով  որոշ երկրպագուներ այնուամենայնիվ վերանայել են իրենց ծրագրերը: 

Տոկիոյի օլիմպիական խաղերի պաշտոնական կայքում նախապես գնումներ կատարած մարզասերները կարող էին օգտվել   տոմսերի վերադարձման կարգից: Կազմկոմիտեն մինչև տարեվերջ  կփոխհատուցի  810 հազար գնողներին։  

Այսպիսով, ընդամենը 18 տոկոսն է հրաժարվել խաղերին անձամբ ներկա լինելու հնարավորությունից։ Կազմակերպիչները չեն թաքցնում իրենց գոհունակությունը   հայրենակիցների նման լավատեսական տրամադրության համար: 

Առայժմ  օլիմպիական ամառային մարզահանդեսի անցկացման  ձևաչափի վերաբերյալ պաշտոնական որոշում չի կայացվել, թեև  քննարկվում են մի քանի տարբերակներ։  Դրանք համակողմանիորեն   ուսումնասիրում են  կազմկոմիտեն և միջազգային օլիմպիական կոմիտեն։