« Փարիզ -  2024 » կազմկոմիտեն,  միջազգային օլիմպիական կոմիտեն և մարզական ֆեդերացիաները նշում են, որ արժեքավոր դասեր են քաղել Տոկիոյի ամառային մարզահանդեսից:

Բանն այն է, որ առաջիկա  խաղերում,  առաջին անգամ,  մարզիկները հնարավորություն կունենան օգտվելու  «մտածողության և հանգստի գոտու»  ծառայություններից: Այն կգործի օլիմպիական ավանում:

Տոկիոյի խաղերում  ամերիկացի մարմնամարզուհի Սիմոնե Բայլսը բարձրաձայնել է  մարզիկների  հոգեվիճակի  մասին: Նա այդ պատճառով  որոշ մրցաձևերում  հանդես չի եկել:

Օլիմպիական գյուղը կունենա նաև  ոչ ալկոհոլային բար և հանրային տարածքներ, որտեղ մարզիկները կարող են հանգստանալ: Հասանելի կլինի նաև  հոգեկան հիգիենայի պահպանման վերաբերյալ 70 լեզուներով հրատարակված ուղեցույցը:

Մասնագետների հետազոտությունները ցույց են տվել, որ բարձրակարգ  որոշ մարզիկներ  տառապում են բարոյահոգեբանական հարցերով այնպես,  ինչպես մոլորակի  բնակչությունը: Այնուամենայնիվ, նշվում է,  որ մարզիկները ավելի խոցելի են այնպիսի իրավիճակներում, ինչպիսիք են տագնապային խանգարումները կամ դեպրեսիան՝ հաշվի առնելով  իրենց ծանրաբեռնված առօրյան,  ինտենսիվ ճնշումը, որին նրանք բախվում են մրցումների ընթացքում:

ՄՕԿ-ը աշխատանքներ կծավալի  Signify.ai  լոնդոնյան ընկերության հետ՝ խաղերի ընթացքում սպասվող  վիրավորական հաղորդագրությունները բացահայտելու և վերացնելու համար:

Ցանկացած բան, որը կխախտի քրեական օրենսգիրքը, կհանձնվի իրավապահ մարմիններին: Ծառայությունը կտարածվի օլիմպիական  խաղերին մասնակցող բոլոր 15 000 մարզիկ - մարզուհիների վրա: