Մեզանում  աթլետիկայի  տարածման գործում անուրանալի է Լիպարիտ և Մանվել  Մալոյան եղբայրների ներդրումը:  Նրանց հիշատակը հավերժացնելու նպատակ է հետապնդում  Սյունիքի մարզի աթլետիկայի ֆեդերացիայի / նախագահ՝ Արշամ Սարգսյան /  և   Կապանի համայնքապետարանի նախաձեռնությամբ անցկացվող ամենամյա հուշամրցաշարը:

Թվով  10 –րդ  միջոցառմանը մասնակցեցին  մայրաքաղաքի, Գյումրիի, Վանաձորի, Արտաշատի, Կապանի 28 մարզիկ – մարզուհիներ: Նրանք բոլորը ցատկորդներ են ու մրցեցին հեռացատկ և եռացատկ մրցաձևերում:

Առավել հաջող հանդես եկան կապանցիները: Կանանց հեռացատկում  հաղթեց  Յանա Սարգսյանը / 6 . 0 մ. /, եռացատկում՝ Մարիետա Մինասյանը / 12, 15սմ /

Նշած մրցաձևերում տղամարդկանցից լավագունն էին Գոռ Բեգլարյանը / նա  7մ. 65 սմ արդյունքով հուշամրցաշարի նոր ռեկորդ սահմանեց /  և Լևոն Աղասյանը ՝ 16. 08 սմ:  

Հուշամրցաշարում առաջին անգամ օգտագործվեցին ժամանակակից սարքավորումներ. Լազերային չափագրում, էլեկտրալուսատախտակ և այլն: Միջոցառումը կազմակերպական առումով բառացիորեն հիացրեց աթլետիկայի Եվրոպայի ֆեդերացիայի տեխնիկական պատվիրակ, լեհ Պռշամեգ Պրզբովսկուն: Ընդհանրապես գոհ մնացին բոլոր մասնակիցները, նրանց թվում՝  ՀՀ ֆեդերացիայի փոխնախագահ Արթուր Թովմասյանը, գլխավոր քարտուղար,ԿԳՄՍ վարչության պետ Նարինե Շահբազյանը, գործադիր տնօրեն, մոտ անցյալի նշանավոր արագավազորդ և ռեկորդակիր Վահագն Ջավախյանը, մյուսները: