Հնդկաստանի Գանդհինագար քաղաքում ավարտվեց մինչև 20 տարեկան շախմատիստների մասնակցությամբ աշխարհի առաջնությունը:

Հայաստանի հինգ ներկայացուցիչներից առավել հաջող հանդես եկան Մարիամ Մկրտչյանը և Էմին Օհանյանը:  Մարիամը 11 մրցախաղում իր հաշվին գրանցեց ութ հաղթանակ, երեք ոչ ոքի և 9, 5 միավորով գրավեց երկրորդ տեղը:

Էմինը նունքան հնարավորից  վաստակեց 8.5 միավոր և Ղազախստանի ներկայացուցիչ Նոգերբեկ Կազիբեկի հետ բաժանեց  1-2-րդ տեղերը:  Լրացուցիչ ցուցանիշներով  երևանցին դարձավ արծաթե մեդալակիր: Բայց պետք է գնահատել այն հանգամանքը, որ  հայ պատանին  ընդամենը 17 տարեկան է և նվաճած մեդալը նրա համար հաջողություն է:

Չեմպիոն դառնալու հույս էր ներշնչում  Մամիկոն Ղարիբյանը, որը վերջին տուրից առաջ, ութ միավորով,  միանձնյա առաջատար էր: Ավաղ, վերջին   փուլում նա << սայթաքեց >> և եզրափակեց առաջին քառյակը: