Շվեյցարիայի ազգային օլիմպիական կոմիտեն ուսումնասիրում է 2030թ. ձմեռային օլիմպիական խաղերը հյուրընկալելու հնարավորությունը և մտադիր է միջոցառումը  անցկացնել երկրի տարբեր քաղաքներում։

Պայմանների քննարկումը կավարտվի առաջիկա նոյեմբերին։ Նախատեսվում է  հարցում անցկացնել նաև բնակչության շրջանում:

Ի դեպ, Շվեյցարիան երկու անգամ ընդունել է ձմեռային օլիմպիական խաղերը՝ 1928թ. և 1948թ.  Սենտ Մորից քաղաքում։

Հաջորդ ձմեռային օլիմպիական խաղերը կանցկացվեն Իտալիայի Միլանում և Կորտինա դ'Ամպեցցոյում  2026թ. փետրվարի 6- 22-ը։