ՍԿՍՎՈՒՄ է ՄԻԱՎՈՐՆԵՐԻ ՀԱՇՎԱՐԿԸ
Հինգ աշխարհամասի 43 երկրների 488 մարզիկ – մարզուհիներ / 299 տղամարդ, 196 կին / են մասնակցում ձյուդոյի եվրոպական միության կազմակերպած ուսումնամարզական ճամբար – հավաքին:
Չեխիայի Նիմբուրգ քաղաքում մարտի 13 –ին սկսված այդ միջոցառումը կավարտվի մարտի 18 –ին: Մասնակիցների շարքում մեծ թիվ են կազմում հեղինակությունները: Նրանց հետ գոտեմարտերում իրենց մրցափորձն են հարստացնում նաև մեր երկրի հավաքականի անդամներ Արսեն Ավետիսյանը, Արտյոմ Ղալաչյանը, Արտակ Թորոսյանը, Գոռ Կարապետյանը և Մեսրոպ Նիկոյանը:
Հավաքի ավարտից հետո, մեր տղաները, գլխավոր մարզիչ Հովհաննես Դավթյանի ղեկավարությամբ, նախապատրաստությունը կշարունակեն հայրենիքում: Նպատակ կա հաջողությամբ սկսել Փարիզի օլիմպիական խաղերի համար վարկանիշային միավորներ ընձեռող << Մեծ սաղավարտի >> միջազգային մրցաշարերը: Մարտի 24 – 26 –ը մեր ձյուդոիստները հանդես կգան Թբիլիսիի ստուգատեսում:
