ԵՐԵՎԱՆՑԻ ԳՈՐԾԻՉԸ ՝ ՍՄՖ – Ի ՓԱՌՔԻ ՍՐԱՀՈՒՄ
ՀՀ սուսերամարտի ֆեդերացիայի նախագահ, Հայ-Ռուսական համալսարանի Ֆիզկուլտուրայի և առողջ ապրելակերպի ամբիոնի վարիչ, Հայաստանի ազգային օլիմպիական կոմիտեի փոխնախագահ, սուսերամարտից միջազգային կարգի սպորտի վարպետ, ՀՀ ֆիզիկական կուլտուրայի և սպորտի վաստակավոր գործիչ, մանկավարժական գիտությունների դոկտոր, պրոֆեսոր Արմեն Գրիգորյանն ընդգրկվել է սուսերամարտի միջազգային ֆեդերացիայի Փառքի սրահում։ Որոշումը կայացրել է ՍՄՖ-ի գործադիր կոմիտեն։
ՍՄՖ-ի Փառքի սրահը ստեղծվել է 2013թ.: Նպատակն է հանրությանը և մարզաշխարհին ներկայացնել մարզաձևի համաշխարհային ընտանիքում նշանակալի արդյունքներ ցույց տված և մեծ ներդրում ունեցած մարզիկներին, մարզիչներին, մասնագետներին, գործիչներին . . .
Այդկերպ նաև հարգանքի տուրք է մատուցվում յուրահատուկ գնահատանքի արժանի երախտավորներին՝ ինչպիսին է մարզաձևում մեր երկրի առայժմ միակ ներկայացուցիչը:
Շնորհավորում ենք Արմեն Գրիգորյանին՝ հաճելի իրադարձության համար և հաջողություն մաղթում հետագա գործունեության ընթացքում:
