Ջրային մարզաձևերի  աշխարհի առաջնությունը կանցկացվի Հունգարիայի մայրաքաղաք Բուդապեշտում՝ 2022թ. հունիսի 18-ից հուլիսի 3-ը։ 

Որոշումը կայացել է Հունգարիայի վարչապետ Վիկտոր Օրբանի և ՖԻՆԱ-ի նախագահ Հուսեյն Ալ-Մուսալամի  հանդիպումից հետո։ 

ՖԻՆԱ –ի ղեկավարը երախտագիտության խոսք է ասել մրցումների կազմակերպիչներին՝ դժվարին ժամանակներում այդ մրցաշարն անցկացնելու պատրաստակամության համար։ Սա մեծ աջակցություն է և կարևոր է,  որ ամռանը ջրային մարզաձևերի ներկայացուցիչները կկարողանան մեկտեղվել և մասնակցել առաջնությանը:

Միջազգային ֆեդերացիան (FINA) ավելի վաղ հետաձգել էր  աշխարհի երկու առաջնություն։ 

Ջրային մարզաձևերի  աշխարհի առաջնությունում  մեդալներ  են խաղարկվում լողում, դայվինգում / սուզալող /, ջրացատկում, ջրագնդակում  և արտիստիկ /սինխրոն / լողում: