Տոկիոյում վաղը՝ մայիսի 1 –ին  կմեկնարկի ջրացատկի աշխարհի գավաթի խաղարկությունը: Մրցաշարին հայտավորված են 46  երկրների 255 մարզիկ – մարզուհիներ:

Ստուգատեսը վարկանիշային է  և հաջողակները  իրավունք կստանան   նույն  լողավազանում  պայքարել օլիմպիական մեդալների համար:

Հայաստանի ջրացատկորդներ  Վլադիմիր Հարությունյանը և Վարդան Բայանդուրյանը արդեն Տոկիոյում են և  գլխավոր մարզիչ Հրաչյա Չանդիրյանի  հետ շարունակում են պարապմունքները: Նրանք  հանդես կգան  10մ. աշտարակից  մենացատկում և  սինխրոն ցատկերում:

Աշտարակացատկերում ուղեգիր կստանան  մինչև  18 –րդ  տեղ գրավողները, իսկ սինխրոնում  ՝ լավագույն յոթնյակում տեղ ունեցողները: