Տոկիոյում  ամռանը կայանալիք օլիմպիական խաղերի ջահի փոխանցավազքի վերջին փուլերից մեկը նվիրված կլինի 1964-ի մարզահանդեսին: Կազմակերպիչները կենտրոնացել են երկու օլիմպիական խաղերի ժառանգության թեմայի վրա: 

Ճապոնիայի մայրաքաղաքում հուլիսի 9-ին Կոմաձավայի օլիմպիական ավանից կմեկնարկի ջահի փոխանցավազքը: Այդ ավանում են  1964-ին անցկացվել  ըմբշամարտի, մականախաղի և վոլեյբոլի մրցաշարերը:

Փոխանցավազքի առանձնահատկությունը կլինի օլիմպիական կրակի ջահուղին: Այն բարձրանալու է դեպի Օկուտամա լճի ջրերը, ապա կանոէով  << կլողա >> Միտակե կիրճով, որտեղ տեղի է ունենում  ծաղիկների աշնանային ամենամյա փառատոնը: Երթուղին կանցնի նաև << Էդո >>  բացօթյա ճարտարապետական թանգարանի մոտակայքով։

Եզրափակիչ փուլում  կրակը կտեղադրվի Ճապոնիայի ամենաբարձր շենքի՝   634 մետրանոց  Սկայտրի աշտարակի վրա:

Փոխանցավազքը  կմեկնարկի Ֆուկուսիմա վարչատարածքում՝   առաջիկա  մարտի 25-ին և կտևի  121 օր:

32 –րդ ամառային մարզահանդեսի  ջահի փոխանցավազքը կրում է  << Հույսը լուսավորում է մեր ուղին >>  անվանումը։