Հարավային Կորեայի Պուսան քաղաքում  նշանակված սեղանի թենիսի  աշխարհի առաջնությունը չեղյալ է հայտարարվել,  որն արդեն  երեք անգամ հետաձգվել է  համավարակի պատճառով: Որոշումը  կայացրել են մարզաձևի միջազգային ֆեդերացիան / ITTF /  ու կազմակերպիչները։

Ստուգատեսը հնարավոր է  տեղի ունենա օլիմպիական խաղերից հետո։ Այդ մասին կհայտարարվի առաջիկայում։

ITTF- ի գործկոմը  հաստատել է 2021թ․ համաշխարհային դասակարգման աղյուսակը և  տարեսկզբին կայանալիք օլիմպիական վարկանիշային մրցաշարերի անցկացումը։