Միջազգային օլիմպիական կոմիտեի նախագահ Թոմաս Բախին շնորհվել է << Սեուլի խաղաղության մրցանակ >>: Այդ առթիվ ՄՕԿ –ի նախագահն ասել է, որ  մրցանակը պատկանում է միջազգային օլիմպիական կոմիտեին և համաշխարհային օլիմպիական շարժմանը, քանի որ առանց  մարզական համայնքի աջակցության  դժվար կլիներ արժանանալ նման պատվի: Հեղինակավոր պարգևը  մեծ  խթան  կհանդիսանա  խաղաղության, համերաշխության ու մարդկության միասնության  ամրապնդման գործում ։

ՄՕԿ –ի նախագահին մրցանակը շնորհվել է  փախստականների օլիմպիական թիմ ստեղծելու,  երկրների միջև խաղաղություն ամրապնդելու,  և, մասնավորապես,  Հարավային և Հյուսիսային Կորեաների միջև սպորտի միջոցով  խաղաղություն հաստատելու, ինչպես նաև 2018-ի ձմեռային օլիմպիական խաղերը հաջող անցկացնելու  համար:

<< Սեուլի խաղաղության մրցանակը >>  սահմանվել է 1990 թվականից և հանձնվում է երկու տարին մեկ անգամ։ Բախը 15 –րդ դափնեկիրն է։