ՄՕԿ – ի  նախագահ Թոմաս Բախը  հանդես է եկել մամուլի ասուլիսով ։ Նա մասնավորապես հետևյալն է ասել․ <<  ՄՕԿ –ը նպատակ ունի Ճապոնիայում 2021թ․ անցկացնել օլիմպիական խաղերը։ Առաջիկա  շաբաթների ընթացքում  ակտիվ քննարկումներ  կծավալվեն  COVID-19 –ին  դիմակայելու սցենարների վերաբերյալ: Հավատում  ենք   անվտանգ և հաջող խաղերի անցկացմանը։ Քննարկումները, որոնք  կանցկացվեն ճապոնացի գործընկերների, համակարգող հանձնաժողովի և աշխատանքային խմբի հետ, շատ կարևոր են։

Կա  մի քանի տարբերակ, սակայն համավարակի իրավիճակն ամեն օր փոխվում է և դա  ազդում է վերջնական որոշման  վրա: Պետք է պատրաստ լինել բոլոր  տարբերակներին: Ոչ ոք չգիտի, թե ինչպիսի միջավայր կլինի հաջորդ տարի: Սոցիալական հեռավորությունը  քննարկման խնդիրներից մեկն է։ Աշխատանք է տարվում նաև թեստերի, պատվաստումների հարցերի կապակցությամբ: Մի բան պարզ  է,  որ Տոկիոյի  խաղերը պետք է անվտանգ լինեն բոլոր մասնակիցների համար: 

Օլիմպիական խաղերը  միավորում է տարբեր երկրների մարզիկներին, որը  խտրականության դեմ ամենաուժեղ ապացույցն է  աշխարհում: 

Պետք է պատասխանատվությամբ վերաբերվել համաճարակի պայմաններում մյուսներին վտանգի տակ չդնելու համար։ Այս ամենը յուրաքանչյուրիցս պահանջում է զոհողություն և փոխզիջում: Անհրաժեշտության պարագայում պետք է  մնալ կարանտինում։ Սա մեծ պատասխանատվություն է >>։

Մեկնաբանելով  Թոմաս Բախի հայտարարությունը, Տոկիոյի նահանգապետ Յուրիկո Կոիկեն ասել է , որ մտադիր են ստեղծել այնպիսի պայմաններ, որպեսզի օլիմպիական խաղերը անվտանգ լինեն  բոլորի համար։