Տոկիո-2020-ի Օլիմպիական խաղերի կազմկոմիտեն հայտարարել է, որ բռնցքամարտի փորձնական մրցումները տեղի կունենան 2019 թվականի հոկտեմբերի 29-31-ը։

Այն բանից հետո, երբ ՄՕԿ-ը զրկեց սիրողական բռնցքամարտի միջազգային ասոցիացիային (AIBA) մոտակա օլիմպիական վարկանիշային մրցաշարն անցկացնելու իրավունքից, որոշում կայացվեց, որ դրանց կազմակերպմամբ կզբաղվի մարմնամարզության միջազգային ֆեդերացիայի նախագահ Մորինարի Վաթանաբեի գլխավորած աշխատանքային խումբը:

Տոկիոյի խաղերում բռնցքամարտում մեդալներ կվիճարկվեն 13 քաշային կարգերում (դրանցից 8 -ը՝ տղամարդկանց, 5 -ը՝ կանանց):

Վարկանիշային մրցաշարերը նախատեսված են 2020 թվականի հունվարից մինչև ապրիլ։ Մեծ հավանականությամբ դրանք կընդունեն Չինաստանը, Արգենտինան, Մեծ Բրիտանիան և Սենեգալը։

Վերջին վարկանիշային մրցաշարը կկայանա 2020 թվականի մայիսին Ճապոնիայի մայրաքաղաքում։