«Հայաստան» մարզական միությունում ավարտվեց սեղանի թենիսի Հայաստանի տղամարդկանց և կանանց առաջնությունը: Ընդհանուր առմամբ մրցաշարին մասնակցեցին 64 թենիսիստներ Երեւանից, Գյումրիից, Վանաձորից և Արցախից: Այսօր կայացած եզրափակիչներում որոշվեցին առաջնության հաղթողներն ու մրցանակակիրները.

Տղամարդիկ՝ Մեսրոպ Ղուկասյան, Ալեքսանդր Դիարյան, Ռուբեն Գայբակյան

Կանայք՝ Ռուբինա Վարդանյան, Հասմիկ Խաչատրյան, Լուիզա Նազարյան

Տղամարդկանց զուգախաղ՝ Ալեքսանդր Դիարյան/Վարուժան Բաղդասարյան, Ռուբեն Գայբակյան/Գևորգ Աբրահամյան, Վարդգես Սարոյան/Սերգեյ Սիմոնյան

Կանանց զուգախաղ՝ Ռուբինա Վարդանյան/Դիանա Խոջագորյան, Լուիզա Նազարյան/Էլեն Բախչաջյան, Հասմիկ Խաչատրյան/Մարինա Գալստյան

Հայաստանի սեղանի թենիսի ֆեդերացիայի նախագահ Ֆելիքս Սարգսյանը ՀԱՕԿ լրատվականի հետ զրույցում ասաց, որ մրցաշարին շատ երիտասարդ թենիստներ մասնակցեցին.

«Հիմա երիտասարդների հետ մեծ հույսեր ենք կապում: Նախատեսում ենք հուլիսին պատանիներից (մինչև 18 տարեկան) և աղջիկներից (մինչև 15 տարեկան) կազմված 2 խումբ ուղարկել Պորտուգալիայում կայանալիք Եվրոպայի առաջնություն: Ապրիլի 27-30-ը կայանալիք երկրի առաջնությունից հետո ֆեդերացիայի մարզչական կազմը վերջնականապես կորոշի Եվրոպայի առաջնությանը մասնակցող թենիսիստների ցանկը:

 Օգոստոսի վերջին Ֆրանսիայում տեղի կունենա մինչև 12 տարեկանների առաջնությունը: Այդ տարիքային խմբում Հայաստանի առաջնություն կանցկացնենք մարտի 23-26-ը»,- նշեց Ֆելիքս Սարգսյանը: