Եվրոպայի ֆուտբոլի Կոնֆերենցիաների լիգայի որակավորման երրորդ փուլի պատասխան խաղում Երևանի «Փյունիկը» սեփական հարկի տակ  մրցեց Ղազախստանի «Օրդաբասի» հետ: Ինչպես թիմերի առաջին խաղում, այս անգամ էլ երևանցիները հաղթեցին 1 : 0 հաշվով :

Որակավորման վճռական  փուլում «Փյունիկը» կմրցի Սլովենիայի «Ցելիեի» հետ։

Նման  արդյունքի հասավ  նաև ՀՀ փոխչեմպիոն Երեւանի «Նոան»:  Մեր թիմը որակավորման երրորդ փուլի պատասխան խաղում հյուրընկալվեց Աթենքի ԱԵԿ-ին:  Ճիշտ է, հյուրերը պարտվեցին  / 0:1 / , բայց երկու հանդիպումների ընդհանուր հաշվարկով եզրափակիչ փուլ անցավ  «Նոան», որը սեփական հարկի տակ մրցակցին  հաղթել էր 3:1 հաշվով։ Նրա մրցակիցը կլինի Սլովակիայի «Ռուժոմբերոկը»։

Որակավորման փլեյ-օֆֆի  առաջին հանդիպումները նշանակված են օգոստոսի 22-ին,  իսկ պատասխան հանդիպումները՝ օգոստոսի 29-ին։

Հայաստանի գավաթակիր «Արարատ-Արմենիան» երկու հանդիպումների արդյունքով պարտվեց   Հունգարիայի  «Պուշկաշ Ակադեմիային» և դուրս մնաց պայքարից: