Բռնցքամարտի միջազգային ֆեդերացիան (IBA) ընդունում  է ամառային օլիմպիական մարզաձևերի միջազգային ֆեդերացիաների ասոցիացիայի (ASOIF) որոշումը իր կազմից  մարզաձևը հեռացնելու մասին:

Այս առթիվ IBA- ի տարածած հաղորդագրությունում մասնավորապես ասվում է, որ  չնայած  արդյունքը խորապես հիասթափեցնող է, բայց իրենք ցանկանում են ընդգծել անսասան նվիրվածությունը բռնցքամարտին,  մարզիկներին ու մարզիչներին:

Ի պատասխան բարձրացված մտահոգությունների,  IBA-ն կրկնում է, որ 2020թ. վերջից արդեն իրականացրել է կառավարման և համապատասխանության զգալի բարեփոխումներ:

Կազմակերպությունը  հավատարիմ է  մարզաձևի  թափանցիկության և ամբողջականության ամենաբարձր չափանիշները պահպանելուն և անցկացնում է  համաշխարհային մակարդակի միջոցառումներ: Կարևոր է բռնցքամարտիկներին հնարավորություն տալ, որ նրանք ունենան համաշխարհային հարթակներում ցուցադրելու  իրենց տաղանդն ու նվիրվածությունը:

Մարզաձևի ասոցիացիան  հավատարիմ է  ASOIF-ի և միջազգային մարզական  հանրության բոլոր շահագրգիռ կողմերի հետ կառուցողական երկխոսության պահպանմանը, խնդիրները լուծմանը  և  պարտավորվում է ուսումնասիրել դրական առաջընթացի բոլոր հնարավորությունները:

Համերաշխությունն ու աջակցությունը բռնցքամարտի մեծ ընտանիքում /  ազգային ֆեդերացիաներ, մարզիկներ, մարզիչներ /  մնում է ամենամեծ ուժը: Միասնաբար հնարավոր է  դիմակայել մարտահրավերներին և ավելի ուժեղանալ՝ բռնցքամարտի դինամիկ և ներառական ապագայի հստակ տեսլականով: