Այսօր լուսադեմին  Հունգարիա  մեկնեցին  Հայաստանի ձյուդոիստներ  Ֆերդինանդ Կարապետյանը և Արսեն Ավետիսյանը:  73 կգ քաշային մեր  երկու վարպետները  Տատա առողջարանային քաղաքում  կմասնակցեն  միջազգային մարզումային ճամբարի: 

Պարապմունքների նպատակը  ընդհանուր մարզավիճակի բարելավումն է , որպեսզի  հաջող մասնակցություն ունենան  Բուլղարիայի մայրաքաղաքում  ապրիլի 29 –ին սկսվելիք  Եվրոպայի առաջնությունում:

Արժե  նշել, որ  Տոկիոյի օլիմպիական խաղերից հետո , վնասվածքը բուժելու  պատճառով,  մեր հավաքականի առաջատար  Ֆերդինանդը երկար ժամանակ  չմարզվեց:  Հուսանք, որ ապաքինվելուց հետո նա  կվերականգնի  մարզավիճակը  և կրկին մեդալակիր կդառնա  հին աշխարհամասի ստուգատեսում:

Մրցաշարին  նախապատրաստվող մարզիկ –մարզուհիները  Սոֆիայի տատամիների վրա  կպայքարեն մեդալների  14 հավաքածուի համար: