Տոկիոյի օլիմպիական խաղերին նոր հարված  է հասցվել:  Հազարավոր կամավորականներ, ովքեր պետք է աշխատեին մարզահանդեսում, փոխել են  իրենց ծրագրերը:  

Զանգվածային մերժումները պայմանավորված են կորոնավիրուսի համաճարակի հետ կապված վախերով, ինչպես նաև  պատվաստումների դանդաղ ընթացքով:

80,000 կամավորականներից շուրջ 10,000-ը արդեն հրաժարվել է: 

Վերջին տվյալներով Ճապոնիայում գրանցվել է կորոնավիրուսի շուրջ 753 հազար հիվանդացության  և ավելի քան 13 հազար մահվան դեպք: Պատվաստումների գործընթացին մասնակցել  է բնակչության  2.3% -ը: